தமிழகத்தில் கடந்த சில நாட்களாகவே பல்வேறு மாவட்டங்களில் பரவலாக மழை பெய்து வரும் நிலையில் தெற்கு வங்க கடல் பகுதிகளில் நிலவும் வளிமண்டல மேலடுக்க சுழற்சி காரணமாக சென்னையில் அடுத்த 24 மணி நேரத்திற்கு வானம் மேகமூட்டத்துடன் காணப்படும் என்றும் நகரின் ஒரு சில பகுதிகளில் மழைக்கு வாய்ப்புள்ளதாகவும் சென்னை வானிலை ஆய்வு மையம் தெரிவித்துள்ளது.
இந்நிலையில் சென்னையின் பல்வேறு பகுதிகளில் கனமழை பெய்து வரும் நிலையில் வேளச்சேரி, கிண்டி, எழும்பூர், சென்னைசென்ட்ரல் மற்றும் புரசைவாக்கம் உட்பட நகரின் பல பகுதிகளில் கன மழை பெய்து வருகின்றது.இதனால் வாகன ஓட்டிகளும் அலுவலகம் முடிந்து வீடு திரும்புவோரும் பொதுமக்களும் பாதிக்கப்பட்டுள்ளனர். பருவ மழை காலம் நெருங்கி வரும் சூழலில் சென்னையில் கடந்த சில நாட்களாக மழை பெய்து வருவது குறிப்பிடத்தக்கது.இதரிடையே தமிழகத்தில் இன்று முதல் நான்கு நாட்களுக்கு மழை நீடிக்கும் எனவும் வானிலை ஆய்வு மையம் தெரிவித்துள்ளது.