தமிழகத்தில் சென்னை உட்பட 25 இடங்களில் தேசிய புலனாய்வு முகாமை அதிகாரிகள் இன்று காலை முதல் சோதனையில் ஈடுபட்டு வருகிறார்கள். அதாவது கேரள மாநிலம் விழிநம் துறைமுகம் அருகே 300 கிலோ ஹெராயின், 5 ஏகே 47 துப்பாக்கிகள் பறிமுதல் செய்யப்பட்டது. அதன் தொடர்ச்சியாக என்ஐஏ அதிகாரிகள் தமிழகத்தில் கிட்டத்தட்ட 25 இடங்களில் சோதனையில் ஈடுபட்டனர். அதில் சென்னையில் மண்ணடி, குரோம்பேட்டை, பல்லாவரம், சேலையூர், கேம்ப் ரோடு, கிழக்கு கடற்கரை சாலை என மொத்தம் 9 இடங்களிலும், திருச்சியில் 11 இடங்களிலும், திருப்பத்தூரில் ஒரு இடத்திலும் அதிகாரிகள் சோதனை நடத்தி வருகின்றனர்.
இந்நிலையில் தமிழகத்தில் நடைபெற்ற சோதனையில் இதுவரை 57 செல்போன்கள், 68 சிம் கார்டுகள், 2 பென் டிரைவ், இரண்டு லேப்டாப் மற்றும் எட்டு வைபை மோடம்கள் இலங்கைக்கான பாஸ்போர்ட் உள்ளிட்டவை பறிமுதல் செய்யப்பட்டுள்ளது.