தமிழகத்தில் கொரோனா பாதிப்பு 8000தை நெருங்கியது பெரும் அதிர்ச்சியை ஏற்படுத்தியுள்ளது.
தமிழகத்தில் இன்று ஒரே நாளில் 7,987 பேருக்கு கோரோனா உறுதி செய்யப்பட்டுள்ளது. சென்னையில் மட்டும் இன்று ஒரே நாளில் 2 ஆயிரத்து 558 பேருக்கு கொரோனா தொற்று உறுதிசெய்யப்பட்டுள்ளது.
தமிழகத்தில் கடந்த 24 மணிநேரத்தில் 92 ஆயிரத்து 995 பேருக்கு கொரோனா பரிசோதனை செய்யப்பட்டதில் 7,987 பேருக்கு கொரோனா உறுதி செய்யப்பட்டுள்ளது. கொரோனா பாதிக்கப்பட்டவர்களில் 4,176 பேர் குணமடைந்துள்ளனர். 29 பேர் உயிரிழந்துள்ளனர்.
இதனால் மொத்த பாதிப்பு எண்ணிக்கை 9 லட்சத்து 62 ஆயிரத்து 935 ஆகவும், குணமடைந்தவர்கள் எண்ணிக்கை 8 லட்சத்து 91 ஆயிரத்து 839 பேராகவும் உயிரிழந்தவர்களின் எண்ணிக்கை 12 ஆயிரத்து 999 பேராகவும் உயர்ந்துள்ளது.