பிரபல பத்திரிக்கை தலை சிறந்த முதல்வர்களின் பட்டியலை வெளியிட்டுள்ளது.
பிரபல பத்திரிக்கை நிறுவனம் மூட் ஆப் நேசன் என்னும் தலைப்பில் சர்வே ஒன்றை நடத்தியது. அதில், இந்தியாவின் தலை சிறந்த முதல்வராக உத்திரபிரேதேச மாநில முதல்வர் யோகி ஆதித்யநாத் தேர்ந்தெடுக்கப்பட்டுள்ளார். கடந்த மூன்று ஆண்டுகளாகவே முதலிடத்தில் யோகி இருந்து வருகிறார். இவரை தொடர்ந்து டெல்லி முதல்வர் அரவிந்த் கேஜரிவால் 2 ஆம் இடத்திலும், ஆந்திர மாநில முதல்வர் ஜெகன் மோகன் ரெட்டி மூன்றாம் இடத்திலும் உள்ளனர்.
தமிழக முதல்வர் எடப்பாடி பழனிச்சாமி முதல் 10 இடங்களில் கூட இடம்பிடிக்கவில்லை. இந்த செய்தியை அறிந்த தமிழக மக்கள் அரசியல் ரீதியாக கருத்து வேறுபாடு இருந்தாலும், மற்ற மாநிலங்களை காட்டிலும் மருத்துவத் துறை, கல்வித் துறை உள்ளிட்ட பல துறைகளில் தமிழகம் நம்பர் ஒன் இடத்தில் தலைசிறந்து விளங்குகிறது.
அப்படி இருக்கும் பட்சத்தில், சிறந்த முதல்வர் பட்டியலில் இந்த பாரபட்சம் ஏன்? குறைந்தபட்சம் 10 இடங்களுக்குள் தமிழக முதல்வர் வரவில்லையே என்று தெரிவித்ததுடன் இந்த சர்வே முடிவுகளை மறு பரிசீலனை செய்ய வேண்டும் என கோரிக்கை விடுத்து வருகிறார்கள்.
