மாதம் இருமுறை பெட்ரோல், டீசல் விலையை உயர்த்தி வந்த எண்ணெய் நிறுவனங்கள் இந்த நடைமுறையை 2017ஆம் ஆண்டு ஜூன் மாதம் முதல் கைவிட்டது. இதனையடுத்து நாள்தோறும் பெட்ரோல் டீசல் விலையை நிர்ணயிக்கும் முறை தற்போது அமலில் உள்ளது. இந்நிலையில் சென்னையைப் பொறுத்தவரை இன்று பெட்ரோல் 22 காசுகள் அதிகரித்து லிட்டருக்கு ரூ.95.28க்கும், டீசல் 28 காசுகள் உயர்ந்து லிட்டருக்கு ரூ.89.39 க்கும் விற்பனையாகிறது.
ஆனால் தமிழகத்தை தவிர்த்து பிற மாநிலங்களில் ஒரு லிட்டர் பெட்ரோல் ரூபாய் 100 க்கு விற்பனை செய்யப்பட்டு வருகிறது. மும்பையில் ஒரு லிட்டர் பெட்ரோல் ரூபாய் 100 க்கும், போபாலில் ஒரு லிட்டர் பெட்ரோல் 101.77 க்கும், ராஜஸ்தானில் ஒரு லிட்டர் பெட்ரோல் ரூபாய் 100 க்கும் விற்பனை செய்யப்படுகிறது. இந்த மாதத்தில் 14வது முறையாக பெட்ரோல் டீசல் விலை உயர்த்தப்பட்டுள்ளது குறிப்பிடத்தக்கது.