தமிழக முழுவதும் அரசு பள்ளிகளில் மாணவர்களின் கல்வித் திறனை மேம்படுத்த அரசு பல்வேறு நடவடிக்கைகளை மேற்கொண்டு வருகிறது. அதே சமயம் மாணவர்களுக்கு ஊக்கம் அளிக்கும் வகையிலும் பல நிகழ்ச்சிகள் நடத்தப்பட்டு வருகின்றன. அவ்வகையில் தற்போது கலைத் திருவிழாவை அரசு நடத்தி வருகின்றது.
இந்நிலையில் அரசு பள்ளிகளில் மாநில அளவிலான கலைத் திருவிழாவை டிசம்பர் 27 முதல் டிசம்பர் 30ஆம் தேதிக்குள் நடத்தி முடிக்க வேண்டும் என பள்ளி கல்வித்துறை உத்தரவிட்டுள்ளது. அரசு பள்ளி மாணவர்களின் கலைத்திறனை வெளிக்கொண்டு வருவதற்காக அனைத்து மாவட்டங்களிலும் கலைத்திருவிழா நடத்தப்பட்டு வருகிறது. இதற்காக 6 முதல் 12 ஆம் வகுப்பு மாணவர்களுக்கு 200க்கும் மேற்பட்ட போட்டிகள் நடத்தி அதில் வெற்றி பெறுபவர்களுக்கு விருதுகளும் வழங்கப்பட்டு வருகிறது.