அ.தி.மு.க ஒருங்கிணைப்பாளர்கள் மற்றும் தொண்டர்கள் இணைந்து ஜெயலலிதாவின் பிறந்தநாளை இன்று கொண்டாடியுள்ளனர்.
மறைந்த முன்னாள் முதலமைச்சர் அம்மா ஜெயலலிதாவின் 74 வது பிறந்தநாள் இன்று கொண்டாடப்படுகிறது. எனவே அவரது பிறந்த நாளை ஒட்டி அவரின் திருவுருவச்சிலைக்கு அ.தி.மு.க ஒருங்கிணைப்பாளர்கள் ஓ.பன்னீர்செல்வம் மற்றும் இணை ஒருங்கிணைப்பாளர் எடப்பாடி பழனிச்சாமி ஆகியோர் சென்னை ராயப்பேட்டை அ.தி.மு.க தலைமை அலுவலகத்தில் மாலை அணிவித்து, மலர் தூவி மரியாதை செலுத்தி உள்ளனர்.
இவ்வாறு ஜெயலலிதா பிறந்தநாள் விழாவை ஓமலூர் சட்டமன்ற தொகுதியில் 74 இடங்களில் அ.தி.மு.க.வினர், எம்.எல்.ஏ தலைமையில் அவரது படத்திற்கு மலர் தூவி, மரியாதை செலுத்தி மற்றும் பொதுமக்களுக்கு இனிப்புகள் வழங்கி கொண்டாடி உள்ளனர்.மேலும் அரியலூர் மாவட்டத்தில் முன்னாள் அரசு தலைமை கொறடா தாமரை ராஜேந்திரன் அவர்கள் ஜெயலலிதா மற்றும் எம்.ஜி.ஆர் சிலைக்கு மாலை அணிவித்து மற்றும் பொது மக்களுக்கு அன்னதானம் வழங்கி மரியாதையை செலுத்தியுள்ளனர்.இதனைத் தொடர்ந்து நாகை மாவட்டம் வேதாரண்யம் மற்றும் சுற்றுவட்டார பகுதிகளில் அவரது பிறந்த நாள் விழாவிற்கு அ.தி.மு.க தொண்டர்கள் கட்சி நிர்வாகிகள் கலந்துகொண்டு தம் மரியாதையை செலுத்தியுள்ளார்கள்.
அதன்பின் முக்கிய வீதிகளில் ஊர்வலமாக வந்து ராஜாஜி பூங்காவிற்கு அருகில் ஜெயலலிதாவின் அலங்கரிக்கப்பட்ட திருவுருவப் படத்திற்கு நிர்வாகிகள் மற்றும் தொண்டர்கள் மாலை அணிவித்து மரியாதை செலுத்தியுள்ளனர்.இதைப்போல் தெலுங்கானா மாநிலம் ஆளுநர் தமிழிசை சௌந்தரராஜன் அவர்கள் சமூக வலைத்தள பக்கத்தில், ‘பணிந்து நின்று தான் பணி செய்ய வேண்டுமென்பதில்லை, துணிந்து நின்றும் பணி செய்யலாம் ‘என்பதை நிரூபித்த பெண் ஆளுமை மரியாதைக்குரிய முன்னாள் முதலமைச்சர் செல்வி ஜெயலலிதா அவர்களின் பிறந்த தினமான இன்று அவரது நினைவைப் போற்றுகிறேன் என்று பதிவிட்டுள்ளார்.
