தமிழகத்தில் உள்ள ரேஷன் அட்டைதாரர்கள் ரேஷன் பொருட்களை தங்குதடையின்றி வாங்குவதற்கு வசதியாக ஒவ்வொரு மாதமும் முதல் மற்றும் இரண்டாவது ஞாயிற்றுக்கிழமை அனைத்து ரேஷன் கடைகளும் இயங்க வழிவகை செய்யப்பட்டுள்ளது. இதற்கு மாற்றாக முதல் மற்றும் இரண்டாவது வெள்ளிக்கிழமை நியாய விலை கடை ஊழியர்களுக்கு வார விடுமுறை அளிக்கப்பட்டு வருகிறது. இந்நிலையில் கடந்த ஜனவரி மாதம் அரிசி வாங்கும் ரேஷன் அட்டைதாரர்கள் அனைவரும் பொங்கல் பரிசு தொகுப்பு வழங்கப்பட்டது.
அதனால் அந்த மாதத்திற்கான அத்தியாவசிய பொருட்களின் விநியோகம் தாமதமாக தொடங்கியது. அந்த மாதத்திற்குள் அனைத்து ரேஷன் அட்டைதாரர்களுக்கு பொருள்களை வழங்க வேண்டும் என்பதால் வார விடுமுறை நாளான ஞாயிற்றுக்கிழமையும் ரேஷன் கடை ஊழியர்கள் பணிக்கு வர வேண்டிய சூழல் இருந்தது. அதனால் வார விடுமுறை நாளான ஜனவரி 30-ஆம் தேதி பணிபுரிந்த ரேஷன் பணியாளர்களுக்கு இதுநாள்வரை மாற்று விடுப்பு வழங்கப்படாமல் இருந்தது.
தற்போது அவர்களுக்கு விடுமுறை வழங்கி கூட்டுறவுத் துறை அறிவித்துள்ளது. அதன்படி ஜனவரி 30ஆம் தேதிக்கு மாற்றாக இன்று மார்ச் 19ஆம் தேதி நியாய விலைக் கடை ஊழியர்களுக்கு விடுமுறை அளிக்கப்படுகிறது. அதனால் தமிழகம் முழுவதும் இன்று ரேஷன் கடைகள் இயங்காது என்று அறிவிப்பு வெளியாகியுள்ளது.