தமிழகத்தில் பண்டிகை நாட்களின் போது பொதுமக்கள் தங்கள் சொந்த ஊருக்கு சென்று வர ஏதுவாக சிறப்பு பேருந்துகள் இயக்கப்படும் வழக்கம். அதன்படி தீபாவளி பண்டிகையை முன்னிட்டு சிறப்பு பேருந்து சேவை இன்று முதல் தொடங்குகிறது.வெளியூர் செல்ல இதுவரை சுமார் 50 ஆயிரம் பேர் முன்பதிவு செய்துள்ளதாக போக்குவரத்து துறை தெரிவித்துள்ளது. இது சென்ற ஆண்டை விட குறைவு என்பது குறிப்பிடத்தக்கது. சென்னையிலிருந்து 9,806 பேருந்துகளும், பிற மாவட்டங்களிலிருந்து 6,734 பேருந்துகளும் இதற்காக இயக்கப்படுகிறது.
மேலும் பேருந்துகளின் இயக்கம் குறித்து அறிந்து கொள்வதற்கு 94450 14450, 94450 14436 ஆகிய எண்களையும், ஆம்னி பேருந்துகளில் அதிக கட்டணம் வசூல் உள்ளிட்ட புகார்களுக்கு 044 2474 9002, 1800 425 6151ஆகிய எங்களையும் இருபத்திநான்கு மணிநேரமும் தொடர்பு கொள்ளலாம் என்று அறிவிக்கப்பட்டுள்ளது.