தமிழகத்தின் இரண்டாம் அலை கொரோனா பரவல் கடந்த ஏப்ரலில் அதிகரித்தது. பாதிப்பு மற்றும் பலி எண்ணிக்கை அதிகரித்ததன் காரணமாக கடுமையான முழு ஊரடங்கு அமல்படுத்தப்பட்டது. இதன் பின்னர் தொற்றுப் பரவல் கட்டுக்குள் வந்ததையடுத்து ஊரடங்கில் தளர்வுகள் அளிக்கப்பட்டு பல்வேறு தளர்வுகளும் படிப்படியாக கொடுக்கப்பட்டு வருகிறது.தற்போது நடைமுறையில் இருக்கும் ஊரடங்கு மேலும் இரண்டு வாரங்களுக்கு நீட்டிக்க படுவதாக தமிழக அரசு அறிவித்துள்ளது. அதன்படி செப்டம்பர் 6ஆம் தேதி காலை 6 மணி வரை ஊரடங்கு அமலில் இருக்கும் என்று முதல்வர் ஸ்டாலின் அறிவித்துள்ளார்.
இந்நிலையில் தமிழகத்தில் கூடுதல் தளர்வுகளுடன் கூடிய ஊரடங்கு நீட்டிப்பு இன்று காலை 6 மணி முதல் அமலுக்கு வந்துள்ளது. அதன்படி இன்று முதல் 50 சதவீதம் பார்வையாளர்களுடன் திரையரங்குகள் திறக்கப்படுகிறது. கடற்கரையில் பொதுமக்களுக்கு அனுமதி. இரவு 10 மணி வரை கடைகளை திறந்து வைக்க அனுமதி. ஆந்திரா, கர்நாடகாவுக்கு போக்குவரத்துக்கு அனுமதி. தங்கும் விடுதிகள் மற்றும் கேளிக்கை விடுதிகளில் உள்ள மதுக் கூடங்கள் செயல்பட அனுமதிக்கப்பட்டுள்ளது.