டாஸ்மாக் கடை பணியாளர்கள் 100% தடுப்பூசி எடுத்துக்கொள்ள வேண்டும் என்று தமிழ்நாடு வாணிப கழகம் உத்தரவிட்டுள்ளது.
தமிழகத்தில் கொரோனா தொற்று நாளுக்கு நாள் அதிகரித்து வருகின்றது. குறிப்பாக சென்னை, செங்கல்பட்டு, மாவட்டங்களில் தொற்று பாதிக்கப்படுபவர்களின் எண்ணிக்கை உயர்ந்து வருகிறது. இதனால் முகம் கட்டாயம் அணிய வேண்டும் என்று பொது மக்களுக்கு சுகாதார துறை உத்தரவிட்டுள்ளது. மேலும் பல கட்டுப்பாடுகளும் விதிக்கப்பட்டுள்ளன. அத்துடன் தமிழக அரசு சார்பில் நடத்தப்பட்டு வரும் டாஸ்மாக் மதுக்கடைகளில் தடுப்பு நடவடிக்கைகளை மீண்டும் கடைபிடிக்க வேண்டும் என தெரிவித்துள்ளது.
முக கவசம் அணிந்து வரும் நபர்களுக்கு மட்டுமே மதுபானங்கள் வழங்க வேண்டும் என்று உத்தரவிட்டிருந்தது. இந்நிலையில் தற்போது டாஸ்மாக் பணியாளர்கள் 100% தடுப்பூசி கட்டாயம் செலுத்தி இருக்க வேண்டும் என்று அறிவுறுத்தியுள்ளது. தடுப்பூசி செலுத்திக் கொண்ட பணியாளர்கள் விவரங்கள் அனைத்தையும் மண்டல முதுநிலை மேலாளர் அனுப்ப வேண்டும் என்று டாஸ்மாக் நிர்வாகம் உத்தரவிட்டுள்ளது.