பள்ளிகளில் இறைவணக்கம், pet போன்ற வகுப்புகளுக்கு இருந்த தடைகள் நீக்கப்படும் என தகவல்கள் வெளியாகியுள்ளது.
ஊரடங்கு காலங்களில் பள்ளிகள் மூடப் பட்டிருந்தது. பாதிப்பு சற்று குறைந்ததும் பள்ளிகள் திறக்கப்பட்டு மாணவர்கள் ஒன்றுகூடும் நிகழ்வான இறைவணக்கம், விளையாட்டு பாட வகுப்புகள் உள்ளிட்ட சிலவற்றுக்கு மட்டும் தடை விதிக்கப்பட்டிருந்தது. தற்போது அனைத்து ஊரடங்கு கட்டுப்பாடுகளும் திரும்பப் பெறப்பட்டுவிட்டாலும் பள்ளிகளில் இது போன்ற தடைகள் இன்னும் நீக்கப்படாமல் தான் உள்ளது.
இதுதொடர்பாக சென்னையில் உள்ள பள்ளிக் கல்வித் துறை அமைச்சர் அன்பில் மகேஷ் பொய்யாமொழி நேற்று முன்தினம் நிருபர்களுக்கு பேட்டி அளிக்கும் போது கேள்விகள் எழுப்பப் பட்டிருந்தது. அப்போது அதுபற்றி ஆலோசிக்கப்படும் என தெரிவித்திருந்தார். இந்நிலையில் இது குறித்து ஆலோசனை தற்போது தீவிரமாக நடைபெற்று வருகிறது. இன்னும் ஓரிரு நாட்களில் பள்ளிகளில் இறைவணக்கம், விளையாட்டு பாடப்பிரிவு வகுப்புகளுக்கும் இருந்த தடை நீக்கப்படுவது தொடர்பான அறிவிப்புகள் வெளியாக வாய்ப்பு இருக்கிறது என தகவல்கள் தெரிவிக்கின்றது.