தமிழகத்தில் கோடை விடுமுறை முடிவடைந்து நாளை முதல் 1-9 ஆம் வகுப்பு மாணவர்களுக்கு பள்ளிகள் திறக்கப்பட உள்ளது. இந்நிலையில் பள்ளிகளுக்கான மாதிரி வேலை நேரம் மற்றும் வழிகாட்டுதல்களை பள்ளிக்கல்வித்துறை வெளியிட்டுள்ளது. புதிய கல்வியாண்டில் பள்ளி வேலை நேரம் மற்றும் தலைமை ஆசிரியர்கள் பின்பற்ற வேண்டிய நடைமுறைகள் குறித்து பள்ளிக் கல்வித்துறை புதிய அறிவிப்பை வெளியிட்டுள்ளது.
அதன்படி பள்ளி தொடங்குவதற்கு 30 நிமிடங்களுக்கு முன்பாக உடற்கல்வி ஆசிரியர்கள் வருகை தந்து மாணவர்களின் ஒழுக்கம் மற்றும் சீருடை ஆகியவற்றை கண்காணிக்க வேண்டும். மதிய உணவு இடைவேளை முடிந்த பிறகு 20 நிமிடம் நூலகங்களில் செய்தித்தாள், நூல்களை வாசிக்க செய்ய வேண்டும். வாரம் ஒருநாள் நீதிபோதனை பாட வேளையில் மனநல ஆலோசனைகளை மாணவர்களுக்கு வழங்க வேண்டும். அதனைப் போல ஒவ்வொரு மாதமும் கடைசி வெள்ளிக்கிழமை பள்ளி மேலாண்மை குழு கூட்டம் நடத்தப்பட வேண்டும்.
அதற்கு முன்பு பெற்றோர் கூட்டம் நடத்தி குழந்தைகளின் கல்வி செயல்பாடு குறித்து அவர்களிடம் சொல்ல வேண்டும். இதில் 9 முதல் 10 ஆம் வகுப்பு மாணவர்களுக்கு காலை 9.10 மணியிலிருந்து மாலை 4.10 மணி வரை வகுப்புகள் நடத்தலாம். அதனைப் போல 11 மற்றும் 12 ஆம் வகுப்பு மாணவர்களுக்கு காலை 9 மணி முதல் மாலை 4 மணி வரை வகுப்புகள் நடத்தலாம். அதில் 30 நிமிடம் காலை வணக்கம் கூட்டத்திற்கு ஒதுக்கப்பட வேண்டும். இருந்தாலும் பள்ளிகள் தங்களின் அமைவிடம் மற்றும் போக்குவரத்து வசதிகளை வகுப்புகள் தொடங்கும் நேரத்தை முடிவு செய்து கொள்ளலாம். இருந்தாலும் இவற்றை எல்லாம் முறையாக அனைத்து பள்ளிகளும் பின்பற்ற வேண்டும் என அறிவுறுத்தப்பட்டுள்ளது