தமிழகத்தில் கொரோனா பரவலை கட்டுப்படுத்த முழு ஊரடங்கு அமல்படுத்தப்பட்டது. அதன்பிறகு கொரோனா பாதிப்பு கணிசமாக குறைந்து வந்த நிலையில் படிப்படியாக ஊரடங்கு தளர்வுகளை அரசு அறிவிக்க தொடங்கியது. அதன்படி தற்போது தளர்வுகளுடன் கூடிய ஊரடங்கு அமலில் உள்ளது. இந்நிலையில் ஊரடங்கு நீட்டிப்பது மற்றும் கூடுதல் தளர்வுகள் வழங்குவது தொடர்பாக முதல்வர் ஸ்டாலின் ஆலோசனை நடத்தினார். அந்த ஆலோசனைக்கு பிறகு நவம்பர் 1 முதல் தமிழகம் முழுவதும் 1 முதல் 8 ஆம் வகுப்பு வரை பள்ளிகள் திறக்கப்படும் என்று முதல்வர் ஸ்டாலின் அறிவித்துள்ளார்.
மேலும் நோய் தொற்று பரவாமல் இருக்க மக்கள் அதிகம் கூடும் இடங்கள் ஆகிய வழிபாட்டு தலங்களில் வெள்ளி, சனி மற்றும் ஞாயிற்றுக்கிழமைகளில் பக்தர்களுக்கு அனுமதி கிடையாது. அந்த மூன்று நாட்களும் அனைத்து வழிபாட்டு தலங்களும் மூடப்பட்டிருக்கும். மற்ற நாட்களில் மக்கள் முறையான வழிகாட்டு நெறிமுறைகளை பின்பற்றி அனுமதிக்கப்படுவார்கள் என்று அறிவிக்கப்பட்டுள்ளது.