தமிழகம் முழுவதும் கொரோனா பரவலை கட்டுப்படுத்த அரசு பல நடவடிக்கைகளை மேற்கொண்டு வருகிறது. அதில் முக்கிய பகுதியாக தடுப்பூசி போடும் பணி தீவிரப்படுத்தப்பட்டுள்ளது. இருந்தாலும் சில மாவட்டங்களில் கொரோனா தடுப்பூசி தட்டுப்பாடு நிலவி வருவதால் மக்கள் அதிர்ச்சி அடைந்துள்ளனர். தற்போது தமிழகத்தில் 18 வயதுக்கு மேற்பட்ட அனைவருக்கும் தடுப்பூசி போடும் பணி நடந்து கொண்டிருக்கிறது.
இந்நிலையில் கொரோனா தடுப்பூசி செலுத்துவதில் தமிழக அரசு ஆமை வேகத்தில் செல்வதாக அதிமுக ஒருங்கிணைப்பாளர் ஓ. பன்னீர்செல்வம் குற்றம் சாட்டியுள்ளார். தமிழகத்தில் 18% மக்களுக்கு மட்டுமே தடுப்பு ஊசி செலுத்தப்பட்டு உள்ளது. தமிழகத்தை விட பின்தங்கிய பீகார் மற்றும் உத்தரப்பிரதேச மாநிலங்களில் 24 சதவீதத்திற்கும் மேற்பட்டோருக்கு தடுப்பூசி செலுத்தப்பட்டுள்ளது. அனைவருக்கும் தடுப்பூசி கிடைக்க தமிழக முதல்வர் நேரில் சென்று பிரதமரிடம் வலியுறுத்த வேண்டும் என அவர் கூறியுள்ளார்.