புதுச்சேரியில் தமிழக எம்பி ஆர் ஆசாவை கண்டித்து இந்து முன்னணி உள்ளிட்ட பல்வேறு இந்து அமைப்புகளை சேர்ந்தவர்கள் அனைவரும் இன்று முழு அடைப்பு போராட்டத்தில் ஈடுபட்டுள்ளனர். திமுக எம்பி ஆ ராசா சமீபத்தில் இந்துக்கள் குறித்து சர்ச்சைக்குரிய வகையில் பேசியதாக சொல்லப்படும் வீடியோ சமூக வலைத்தளங்களில் வைரலானதை தொடர்ந்து இதற்கு பல தரப்பினரும் எதிர்ப்பு தெரிவித்து வந்த நிலையில் இந்து முன்னணி மற்றும் பல்வேறு இந்து அமைப்புகள் போராட்டம் நடத்தி வருகிறார்கள்.இந்நிலையில் புதுச்சேரியில் இந்த அமைப்புகளை சேர்ந்தவர்கள் முழு அடைப்பு போராட்டத்தில் ஈடுபட்டு வருவதால் மாலை 5 மணி வரை அனைத்து கடைகளும் மூடப்பட்டுள்ளன. அது மட்டுமல்லாமல் தனியார் பேருந்துகள் முற்றிலும் இயங்கவில்லை.
இந்நிலையில் புதுச்சேரியில் அடுத்தடுத்து தமிழக அரசு பேருந்துகள் மீது இந்து அமைப்பினர் தாக்குதல் நடத்தியதால் பரபரப்பு ஏற்பட்டுள்ளது. முடி அடைப்பு போராட்டத்தில் வில்லியனூர் உள்ளிட்ட இடங்களில் ஐந்து தமிழக அரசு பேருந்துகள், ஒரு தனியார் கல்லூரி பேருந்து மீது கல்வீசி தாக்குதல் நடத்தப்பட்டுள்ளது.இதனால் விழுப்புரம் மார்க்கத்தில் செல்லும் தமிழக மற்றும் புதுச்சேரி பேருந்துகள் முற்றிலும் நிறுத்தப்பட்டுள்ளன.