முதலமைச்சர் எடப்பாடி பழனிசாமியின் தாயார் மறைவுக்கு தெலுங்கானா ஆளுநர் தமிழிசை சவுந்தரராஜன் தனது ஆழ்ந்த இரங்கலை தெரிவித்துள்ளார்.
தமிழக முதலமைச்சர் எடப்பாடி பழனிசாமியின் தாயார் தவுசாயம்மாள்(93) உடல்நலக்குறைவால் சேலத்தில் உள்ள தனியார் மருத்துவமனை ஒன்றில் சிகிச்சை பெற்று வந்தார். அவர் இன்று அதிகாலை மாரடைப்பு காரணமாக ஒரு மணிக்கு உயிரிழந்தார்.தகவல் அறிந்த உடன் காரில் சேலம் விரைந்து சென்ற முதலமைச்சர் தனது தாயாருக்கு கண்ணீர் மல்க அஞ்சலி செலுத்தினார். தவுசாயமமாளுக்கு முதலமைச்சர் பழனிசாமி மட்டுமல்லாமல் கோவிந்தராஜ் என்ற மகனும் விஜயலட்சுமி என்ற மகளும் இருக்கின்றனர்.
முதலமைச்சரின் தாயார் உடலுக்கு அமைச்சர்கள், அதிகாரிகள் மற்றும் உறவினர்கள் அனைவரும் அஞ்சலி செலுத்தினர். மேலும் அவரின் மறைவிற்கு தலைவர்கள் பலரும் இரங்கல் தெரிவித்து வருகிறார்கள்.தனது தாயாரை இழந்து வாடும் முதலமைச்சர் எடப்பாடி பழனிசாமி மற்றும் அவரின் குடும்பத்தினருக்கு தெலுங்கானா ஆளுநர் தமிழிசை சவுந்தரராஜன், தனது ஆழ்ந்த இரங்கலை தெரிவித்துள்ளார்.