தமிழகத்தில் அனைத்து மாவட்டங்களிலும் ஆர் எஸ் எஸ் பேரணி நடத்துவதற்கு கடுமையான எதிர்ப்புகள் எழுந்துள்ளன. அதிலும் குறிப்பாக பள்ளிகளில் இதனை நடத்துவதற்கு முற்றிலும் அரசு தடை விதித்துள்ளது. இதனிடையே சென்னை அண்ணா நகரில் உள்ள தனியார் பள்ளி ஒன்றில் ஆர் எஸ் எஸ் முகாம் நடத்தப்பட உள்ளதாக தகவல் வெளியானது.
இந்நிலையில் இது போன்ற நிகழ்ச்சிகளை நடத்தக்கூடாது என தமிழக முழுவதும் உள்ள தனியார் பள்ளிகளுக்கு மெட்ரிகுலேஷன் பள்ளி இயக்குனரகம் எச்சரித்துள்ளது. தனியார் பள்ளிகளில் அரசியல்,ஜாதி மற்றும் மதம் சார்ந்த நிகழ்ச்சிகளை நடத்தக் கூடாது என ஏற்கனவே தடை உள்ளது. இந்த தடையை மீறி நடந்தால் பள்ளியின் மீது கடுமையான நடவடிக்கை எடுக்க சட்டத்தில் இடம் உள்ளது என சுட்டிக்காட்டி தமிழக முழுவதும் உள்ள தனியார் பள்ளிகளுக்கு எச்சரிக்கை விடுத்துள்ளது.