டெல்லி பல்கலைக்கழகத்தில் ஆங்கில இலக்கிய பாடத்திட்டத்தில் இடம் பெற்றிருந்த தமிழ் பட்டியலின எழுத்தாளர்களின் படைப்புகள் நீக்கப்பட்டுள்ளது பெரும் சர்ச்சை ஆகியுள்ளது. மேலும் மஹாஸ்வேதா தேவியின் திரௌபதி, பாமா மற்றும் சுகிர்தராணியின் படைப்புகளை டெல்லி பல்கலைக்கழகம் நீக்கியுள்ளது. இது குறித்து சரியான விளக்கம் பல்கலைக்கழகம் தரப்பிலிருந்து தெரிவிக்கவில்லை என்றும் குற்றச்சாட்டு எழுந்துள்ளது. பேராசிரியர்களுக்கு தெரியாமலேயே தேர்வுக்குழு ஆலோசனைக்குப் பிறகு பல்கலைக்கழகம் நீக்கியதாக தகவல் வெளியாகியுள்ளது.
இந்நிலையில் டெல்லி பல்கலைக்கழகத்தின் பாடத்திட்டத்திலிருந்து மகாஸ்வேதா தேவி, பாமா, சுகிர்தராணி ஆகியோரின் படைப்புகள் நீக்கப்பட்டு இருப்பது அதிர்ச்சியை தருகிறது என்று சு.வெங்கடேசன் எம்பி கண்டனம் தெரிவித்துள்ளார். பொது சமூகத்தில் அழுத்தமான சரணங்களை தங்களது படைப்புகள் மூலம் ஏற்படுத்திய இவர்களின் படைப்புகள் மறுபடியும் சேர்க்கப்பட வேண்டும் என்று அவர் வலியுறுத்தியுள்ளார்.