தற்கொலைக்கு முயன்ற திருநங்கை…. “கைகளில் தூக்கி வந்து மருத்துவமனையில் அனுமதித்த பெண் போலீஸ்”…!!!!!

தற்கொலைக்கு முயன்ற திருநங்கையை பெண் போலீஸ் ஒருவர் கைகளில் தூக்கி வந்து மருத்துவமனையில் அனுமதித்துள்ளார்.

தூத்துக்குடி மாவட்டத்தில் உள்ள தட்டார்மடம் அருகே இடைச்சிவிளை மோடி நகரைச் சேர்ந்த முத்துக்குமார் என்பவர் சம்பவத்தன்று பக்கத்து வீட்டைச் சேர்ந்த ராமலட்சுமியை தாக்கியுள்ளார். இதுகுறித்த புகாரின் பேரில் போலீசார் வழக்கு பதிவு செய்து அவரை கைது செய்தார்கள்.

இந்நிலையில் முத்துக்குமாரின் அண்ணனான திருநங்கை செல்வராஜ் என்ற செல்வி சென்ற 26 ஆம் தேதி சாத்தான்குளம் நீதிமன்றத்திற்கு சென்று தனது தம்பி முத்துகுமார் மீது போலீசார் பொய்யான வழக்கு பதிவு செய்ததாக தர்ணாவில் ஈடுபட்டார். இதன் பின் நீதிமன்ற வளாகத்தில் இருக்கும் கிணற்றில் மூடி இருந்த இரும்பு தடுப்புகளை எடுத்துவிட்டு கிணற்றுக்குள் குதித்து தற்கொலைக்கு முயன்றார்.

பின் அவரை தீயணைப்பு வீரர்கள் மீட்டார்கள். ஆம்புலன்ஸ் வர தாமதமானதால் திருநங்கையை ஆட்டோவில் ஏற்றி அரசு மருத்துவமனைக்கு கொண்டு சென்றார்கள். பெண் போலீஸ் ஒருவர் திருநங்கையை கையில் தூக்கிக்கொண்டு அவசர சிகிச்சை பிரிவில் சேர்ந்தார். பெண் போலீசின் செயல் நெகிழ்ச்சியை ஏற்படுத்தியுள்ளது.