மராட்டிய மாநிலத்தில் ரயில் முன் பாய்ந்து தற்கொலைக்கு முயன்ற 18 வயது இளைஞனைக் போலீஸ் அதிகாரி ஒருவர் தன் உயிரை பணையம் வைத்து காப்பாற்றிய சம்பவம் பெரும் பரபரப்பை ஏற்படுத்தியுள்ளது.
மராட்டிய மாநிலம் விட்டல்வாடி ரெயில் நிலையத்தில் உள்ள ரெயில்வே பிளாட்பாரத்தில் நேற்று பிற்பகல் ஒரு வாலிபர் சுற்றித் திரிவதைக் கண்டு சந்தேகமடைந்த கான்ஸ்டபிள் ஹிருஷிகேஷ் மானே சற்று உஷாராக இருந்துக்கொண்டார்.அப்போது ரயில் நெருங்கி வந்த சமயத்தில் திடீரென அந்த வாலிபர் தற்கொலை செய்து கொள்ளும் நோக்கத்தில் ரயில் தண்டவாளத்தில் குதித்துள்ளார். உடனே அதைக் கண்ட கான்ஸ்டபிள் விரைந்து வந்த தண்டவாளத்தில் குறித்து அந்த வாலிபரை பத்திரமாக மீட்டுள்ளார். இந்த சம்பவம்தொடர்பான வீடியோ சிசிடிவி காட்சிகள் பதிவாகியுள்ளன.
அந்த வீடியோ இப்போது சமூக வலைத்தளங்களில் அதிகம் பகிரப்பட்டு வருகிறது. தன் உயிரை கூட பொருட்படுத்தாமல் அந்த போலீஸ் கான்ஸ்டபிள் தண்டவாளத்தில் குதித்து வாலிபரை காப்பாற்றியதை உதவி போலீஸ் கமிஷனர் விஜய் தரேகா பாராட்டியுள்ளார். இதனைத் தொடர்ந்து அந்த போலீஸார் அந்த இளைஞரை கல்யாண் ரயில்வே போலீஸ் ஸ்டேஷனுக்கு அழைத்து சென்று அவரது பெற்றோரை வரவழைத்து பின் அந்த இளைஞருக்கு கவுன்சிலிங் கொடுக்கப்பட்டது.