இந்திய அணியின் ரோஹித், சூர்யகுமார், கோலி ஆகியோரை பற்றி புகழ்ந்தும், தங்களது அணி சிறந்த கிரிக்கெட்டை விளையாடாமல் அரையிறுதிக்கு வந்ததாகவும் இங்கிலாந்து ஆல்-ரவுண்டர் பென் ஸ்டோக்ஸ் கூறியுள்ளார்..
டி20 உலகக் கோப்பை 2022ல் பிளாக்பஸ்டர் அரையிறுதி மோதலில் வியாழன் நாளை (நவம்பர் 10) அடிலெய்டு ஓவலில் நடக்கும் போட்டியில் இந்திய அணி ஜோஸ் பட்லரின் இங்கிலாந்தை எதிர்கொள்கிறது. இன்-ஃபார்ம் பேட்டர்களான விராட் கோலி மற்றும் சூர்யகுமார் யாதவ் இங்கிலாந்துக்கு ஆபத்தான பேட்டர்களாக இருப்பார்கள், டி20 உலகக் கோப்பை 2022ல் இதுவரை விராட் கோலி 5 ஆட்டங்களில் 246 ரன்களும், சூர்யகுமார் யாதவ் 225 ரன்களும் எடுத்து இந்திய அணியின் நம்பிக்கையாக இருக்கின்றனர்.
இந்நிலையில் இங்கிலாந்து ஆல்-ரவுண்டர் பென் ஸ்டோக்ஸ், இந்தியாவுக்கு எதிரான டி 20 உலகக் கோப்பை 2022 அரையிறுதியில் சூர்யகுமார் யாதவின் பந்துவீச்சு தாக்குதலைக் கட்டுப்படுத்த முடியும் என்று நம்புகிறார். இந்திய ஜாம்பவான் விராட் கோலியை அவர் புகழ்ந்து பேசினார், அவர் ‘எப்போதும் எழுதப்படாத உரிமையைப் பெற்றுள்ளார்’ என்று அவர் நினைக்கிறார்.
இதுகுறித்து இங்கிலாந்து & வேல்ஸ் ஏற்பாடு செய்த செய்தியாளர்கள் சந்திப்பில் பேசிய பென் ஸ்டோக்ஸ், “சூர்ய குமார் ஜொலித்து வருகிறார். அவர் ஒரு அற்புதமான வீரர் மற்றும் ஆச்சரியப்படுத்தும் வகையில் சில ஷாட்களை விளையாடுகிறார், அவர் அப்படி ஆடும்போது நீங்கள் சில நேரங்களில் தலையை சொறிவீர்கள். அவர் சிறந்த ஃபார்மில் இருக்கிறார், ஆனாலும் நாங்கள் அவரை அதிரடியாக ஆட விடாமல் அணைபோட்டு தடுப்போம் என்ற நம்பிக்கை இருக்கிறது” என்றார்.
மேலும் கோலி, ரோஹித் பற்றி பேசுகையில், கோலியை பொறுத்த வரையில் மூன்று வடிவங்களிலும் அவரது ரன்களே பேசுகிறது என்றார் ஸ்டோக்ஸ். நாங்கள் அவருக்கு எதிராக நிறைய போட்டியில் விளையாடியிருக்கிறோம், நாங்கள் ஒருபோதும் அவரை குறைவாக எடுத்துக் கொள்ள மாட்டோம் என்றார். தொடர்ந்து ரோகித் சர்மா கடந்த சில போட்டிகளில் சரியாக ஆடாவிட்டாலும் அவர் டி20 போட்டியில் ஒரு உலகத்தரம் வாய்ந்த பேட்ஸ்மேன். இந்த வடிவிலான போட்டியில் அதிக ரன்களை குவித்துள்ளார். அதனால் ரோஹித்தை சாதாரணமாக எடுத்துக் கொள்ள மாட்டோம் என்றார்.
அதேசமயம் ஸ்டோக்ஸ் இங்கிலாந்து இதுவரை ‘தங்கள் சிறந்த கிரிக்கெட்டை விளையாடாமல்’ அரையிறுதிக்கு வந்துவிட்டது என்று ஒப்புக்கொண்டார், ஆனால் ஒரு பெரிய நாளில், ஒரு நல்ல இந்திய அணிக்கு எதிராக, அது அப்படி இருக்காது. “இதுவரை எங்களின் சிறந்த கிரிக்கெட்டை விளையாடாமல் நாங்கள் சமாளித்து வந்த விதம், இப்போது நாங்கள் இங்கே இருக்கிறோம் என்று நினைக்கிறேன். எனவே இந்த போட்டி உற்சாகமாக இருக்கும். “ஆனால், இந்த ஆட்டத்தை வியாழன் அன்று எப்படி ஆட வேண்டும் என்பது எங்களுக்குத் தெரியும், மிகவும் வலிமையான இந்திய அணிக்கு எதிராக யாரும் இலகுவாக எடுத்துக்கொள்ள மாட்டார்கள்”.இதற்குக் காரணம் அவர்கள் இருக்கும் அணி மற்றும் அவர்களது அணியில் உள்ள வீரர்கள். ஆனால் நாங்கள் எங்கள் அணியில் அதிக கவனம் செலுத்த விரும்புகிறோம் என்று பேசினார்.