ரஜினிகாந்த் அடுத்து நடிக்க இருக்கும் திரைப்படத்தை இயக்குனர் நெல்சன் இயக்க உள்ளதாகவும், அனிருத் இசையமைக்க இருப்பதாகவும், இந்தத் திரைப்படத்தை சன் பிக்சர்ஸ் நிறுவனம் தயாரிக்க உள்ளதாகவும் அதிகாரப்பூர்வ அறிவிப்பு வெளியாகியுள்ளது. ஆனால் கடந்த சில நாட்களுக்கு முன்பு பீஸ்ட் திரைப்படத்தை பார்த்த ரஜினிகாந்த் அதிருப்தி அடைந்ததாகவும், அதனால் “தலைவர் 169” படத்தை அட்லி அல்லது தேசிங்கு பெரியசாமி இயக்கலாம் என்று சமூக வலைத்தளங்களில் தகவல் பரவியது.
இந்நிலையில் இயக்குனர் நெல்சன் தன்னுடைய ட்விட்டர் பக்கத்தில், தலைவர் 169 என்று தான் இயக்கிய படங்களின் பட்டியலை வரிசையில் சேர்த்திருந்தார். நடிகர் ரஜினிகாந்த் தனது டுவிட்டர் பக்கத்தில் ஏற்கனவே வெளியான தலைவர் 169 படத்தின் புகைப்படம் ஒன்றை ட்விட்டரில் பதிவிட்டிருந்தார். இதன் மூலமாக நெல்சன் தான் இந்த படத்தை இயக்க உள்ளார் என்று உறுதி செய்யப்பட்டுள்ளது.
இந்நிலையில் திரைப்படத்தின் கதை விவாதம் குறித்து இயக்குனர் நெல்சன் நடிகர் ரஜினி தொடர ஆலோசனையில் ஈடுபட்டு வருவதாகவும் வருகின்ற ஜூன் அல்லது ஜூலை மாதத்தில் இந்த படத்தின் படப்பிடிப்பு தொடங்கும் என்றும் தற்போது சமூக வலைத்தளத்தில் தகவல் வெளியாகியுள்ளது.