தமிழ் சினிமாவின் உச்ச நட்சத்திரம் ஆக ஜொலிக்கும் தளபதி விஜய் நடிப்பில் சமீபத்தில் பீஸ்ட் திரைப்படம் வெளியாகி கலவையான விமர்சனங்களை பெற்றாலும், வசூல் ரீதியாக சாதனை படைத்தது. இவர் தற்போது வம்சி இயக்கத்தில் வாரிசு என்ற திரைப்படத்தில் நடித்து வருகிறார். இந்த படத்தில் ராஷ்மிகா மந்தனாக ஹீரோயினாக நடிக்க, பிரகாஷ்ராஜ், சாம், சரத்குமார், குஷ்பூ, யோகி பாபு உள்ளிட்டோர் முக்கிய வேடங்களில் நடிக்கின்றனர்.
இந்த படத்தின் படப்பிடிப்பு சென்னை மற்றும் ஹைதராபாத்தில் விறுவிறுப்பாக நடைபெற்று வரும் நிலையில், திடீரென படப்பிடிப்பு நிறுத்தப்பட்டதாக தகவல் வெளியாகியுள்ளது. அதாவது இயக்குனர் வம்சிக்கு திடீரென உடல் நலக்குறைவு ஏற்பட்டதால், மருத்துவமனையில் சிகிச்சைக்காக அனுமதிக்கப்பட்டுள்ளதாக தகவல் வெளியாகியுள்ளது. இதன் காரணமாக அடுத்த வாரம் வாரிசு படத்தின் படப்பிடிப்பு தொடங்கும் என்று கூறப்படுகிறது.
