தளபதி 65 படத்தில் யோகி பாபுவின் கதாபாத்திரம் குறித்த தகவல் வெளியாகியுள்ளது.
தமிழ் திரையுலகில் நட்சத்திர நாயகனாக வலம் வரும் விஜய் நடிப்பில் வெளியான மாஸ்டர் திரைப்படம் ரசிகர்களிடையே நல்ல வரவேற்பை பெற்றது. இதை தொடர்ந்து நடிகர் விஜய் இயக்குனர் நெல்சன் திலீப்குமார் இயக்கத்தில் தளபதி 65 படத்தில் நடித்து வருகிறார். சன் பிக்சர்ஸ் நிறுவனம் தயாரிக்கும் இந்த படத்திற்கு அனிருத் இசையமைக்கிறார். மேலும் இந்த படத்தில் பூஜா ஹெக்டே கதாநாயகியாக நடிக்கிறார்.
தற்போது ஜார்ஜியாவில் தளபதி 65 படத்தின் படப்பிடிப்பு விறுவிறுப்பாக நடைபெற்று வருகிறது. சமீபத்தில் இந்த படத்தில் பிரபல காமெடி நடிகர் யோகிபாபு இணைந்துள்ளதாக தகவல் வெளியானது. இந்நிலையில் இந்த படத்தில் யோகி பாபுவின் கதாபாத்திரம் குறித்த தகவல் வெளியாகியுள்ளது. அதாவது தளபதி 65 படத்தில் நடிகர் விஜய்க்கு நண்பனாக யோகிபாபு நடிப்பதாக கூறப்படுகிறது.