தளபதி 67 திரைப்படத்தில் நடிகர் நாகார்ஜுனா இணைய இருப்பதாக தகவல் வெளியாகியுள்ளது.
தமிழ் சினிமாவில் மாநகரம், கைதி, மாஸ்டர், விக்ரம் ஆகிய படங்களை இயக்கி தனக்கென்று ஓர் இடத்தை பிடித்தவர் லோகேஷ் கனகராஜ். இவர் இயக்கத்தில் உருவாகி ஜூன் 3ஆம் தேதி வெளியான விக்ரம் திரைப்படம் ரசிகர்கள் மத்தியில் நல்ல வரவேற்பை பெற்றது. இதனையடுத்து இயக்குனர் லோகேஷ் கனகராஜ் விஜய் நடிக்கும் 67வது படத்தை இயக்க உள்ளார். மாஸ்டர் படத்தின் வெற்றிக்கு பிறகு தளபதி 67 இந்த கூட்டணி மீண்டும் இணைந்துள்ளது. அறிவிப்பு இதுவரை வெளியாகவில்லை விரைவில் வெளியாகும் என ரசிகர்கள் ஆவலுடன் எதிர்பார்த்து காத்துக் க்ஷகொண்டிருக்கிறார்கள்.
இத்திரைப்படம் குறித்த அதிகார பூர்வ அறிவிப்பு இதுவரை வெளியாகவில்லை. இருப்பினும் இத்திரைப்படத்தில் நடிப்பவர்கள் குறித்த தகவல் வெளியாகி வருகின்றது. இப்படத்தில் திரிஷா, பிரித்விராஜ், அர்ஜுன், சஞ்சய் தத் உள்ளிட்ட பலர் நடிப்பதாக தகவல்கள் வெளியானது. இந்த நிலையில் தற்போது நாகார்ஜுனா முக்கிய வேடத்தில் நடிக்க இருப்பதாக செய்தி வெளியாகி உள்ளது. ஆனால் இதில் எந்த அளவிற்கு உண்மை என தெரியவில்லை.