விஜய்-லோகேஷ் கனகராஜ் கூட்டணியில் உருவாகும் திரைப்படத்தில் பிரபல நடிகர் இணைய இருப்பதாக தகவல் வெளியாகி உள்ளது.
தமிழ் சினிமாவில் மாநகரம், கைதி, மாஸ்டர், விக்ரம் ஆகிய படங்களை இயக்கி தனக்கென்று ஓர் இடத்தை பிடித்தவர் லோகேஷ் கனகராஜ். இவர் இயக்கத்தில் உருவாகி ஜூன் 3ஆம் தேதி வெளியான விக்ரம் திரைப்படம் ரசிகர்கள் மத்தியில் நல்ல வரவேற்பை பெற்றது. இதனையடுத்து இயக்குனர் லோகேஷ் கனகராஜ் விஜய் நடிக்கும் 67வது படத்தை இயக்க உள்ளார். மாஸ்டர் படத்தின் வெற்றிக்கு பிறகு தளபதி 67 இந்த கூட்டணி மீண்டும் இணைந்துள்ளது. அறிவிப்பு இதுவரை வெளியாகவில்லை விரைவில் வெளியாகும் என ரசிகர்கள் ஆவலுடன் எதிர்பார்த்து காத்துக் க்ஷகொண்டிருக்கிறார்கள்.
இந்த நிலையில் இத்திரைப்படம் குறித்த தகவல் ஒன்று வெளியாகி உள்ளது. அது என்னவென்றால், விஜய் உடன் இயக்குனர் கௌதம் மேனன் இணைந்து இத்திரைப்படத்தில் முக்கிய வேடத்தில் நடிப்பதாக செய்தி வெளியாகியுள்ளது. கௌதம் மேனன் இயக்குனராக மட்டுமல்லாமல் பிரபல நடிகராகவும் வலம் வருகின்றார். தற்பொழுது விஜய் உடன் சேர்ந்து நடிக்கப் போவதாக தகவல் வெளியானதால் ரசிகர்கள் மத்தியில் எதிர்பார்ப்பினை ஏற்படுத்தியுள்ளது.