தமிழ் சினிமாவில் மாநகரம், கைதி, மாஸ்டர், விக்ரம் ஆகிய படங்களை இயக்கி தனக்கென்று ஓர் இடத்தை பிடித்தவர் லோகேஷ் கனகராஜ். இவர் இயக்கத்தில் உருவாகி ஜூன் 3ஆம் தேதி வெளியான விக்ரம் திரைப்படம் ரசிகர்கள் மத்தியில் நல்ல வரவேற்பை பெற்றது. இதனையடுத்து இயக்குனர் லோகேஷ் கனகராஜ் விஜய் நடிக்கும் 67வது படத்தை இயக்க உள்ளார். மாஸ்டர் படத்தின் வெற்றிக்கு பிறகு தளபதி 67 இந்த கூட்டணி மீண்டும் இணைந்துள்ளது.
இந்நிலையில் தளபதி 67 படத்தின் லேட்டஸ்ட் அப்டேட் வெளியாகி உள்ளது. அதன்படி தளபதி 67 படத்தில் 6 வில்லன்கள் நடிக்க உள்ளதாக தகவல் வெளியாகி உள்ளது. அதாவது கேஜிஎப்-2 படத்தின் வில்லன் பாலிவுட் நடிகை சஞ்சய் சத், மலையாள நடிகர் பிரித்திவிராஜ், தெலுங்கு சினிமா முன்னணி நடிகர் ஒருவர் உள்ளிட்ட 6 நடிகர்கள் இப்படத்தில் விஜய்க்கு வில்லனாக நடிக்க உள்ளதாக தகவல் வெளியாகியுள்ளது. இந்த தகவல் ரசிகர்கள் மத்தியில் மிகப்பெரிய எதிர்பார்ப்பை கிளப்பியுள்ளது.