தளபதி 67 திரைப்படம் குறித்த அப்டேட் வெளியாகியுள்ளது.
தமிழ் சினிமாவில் மாநகரம், கைதி, மாஸ்டர், விக்ரம் ஆகிய படங்களை இயக்கி தனக்கென்று ஓர் இடத்தை பிடித்தவர் லோகேஷ் கனகராஜ். இவர் இயக்கத்தில் கடைசியாக வெளியான விக்ரம் படம் நல்ல வரவேற்பை பெற்றது. இதனையடுத்து இயக்குனர் லோகேஷ் கனகராஜ் விஜய் நடிக்கும் 67வது படத்தை இயக்க உள்ளார்.
மாஸ்டர் படத்தின் வெற்றிக்கு பிறகு தளபதி 67-ல் இந்த கூட்டணி மீண்டும் இணைந்துள்ளது. இத்திரைப்படம் குறித்த அதிகார பூர்வ அறிவிப்பு இதுவரை வெளியாகவில்லை என்றாலும் படத்தில் நடிப்பவர்கள் குறித்த தகவல் வெளியாகி வருகின்றது. இத்திரைப்படத்தில் மொத்தம் மூன்று வில்லன்கள் நடிக்க இருப்பதாக செய்தி பரவி வந்தது. இதனிடையே தற்போது அந்த மூன்று வில்லன்களில் சஞ்சய்தத் நடிப்பது உறுதியாகி இருப்பதாக செய்தி வெளியாகியிருக்கின்றது. மேலும் அவருக்கு அட்வான்ஸ் எல்லாம் கொடுக்கப்பட்டு விட்டதாகவும் மீதி இரண்டு வில்லன்கள் இன்னும் உறுதி செய்யப்படவில்லை எனவும் கூறப்படுகின்றது.