இளைய தளபதி விஜய் அடுத்து நடிக்கின்ற திரைப்படம் குறித்து தகவல் வெளியாகியுள்ளது.
தமிழ் சினிமாவில் முன்னணி நடிகராக வலம் வரும் இளைய தளபதி விஜய் பீஸ்ட் படத்தை நடித்து முடித்திருக்கிறார். இதையடுத்து வம்சி பைடிபல்லி இயக்குகின்ற தளபதி 66 இல் நடிக்கிறார். தற்போது விஜய்யின் அடுத்த படம் குறித்து தகவல் வெளியாகியிருக்கிறது. விஜய்யின் அடுத்த படத்தை அட்லி இயக்குவதாக கூறப்படுகிறது. தெறி, மெர்சல், பிகில் உள்ளிட்ட வெற்றிப் படங்களைத் தொடர்ந்து தற்போது நான்காவது படத்திலும் இவர்கள் கூட்டணி இணைகிறது. நடிகர் ஷாருக்கான் படப்பிடிப்பு முடிவடைந்ததும் விஜய் படத்திற்கான படப்பிடிப்பு துவங்கப்படும் என்ற தகவல் வெளியாகி இருக்கிறது.
ஷாருக்கான் திரைப்படத்திற்கான படப்பிடிப்பு நவம்பர் மாதம் வரை நடக்கும். அதன்பிறகு இப்படத்திற்கான படப்பிடிப்பு ஆரம்பமாகும் என கூறப்படுகிறது. இந்த புதிய திரைப்படத்தை ஏஜிஎஸ் நிறுவனம் தயாரிக்கிறது. ஷாருக்கானின் படப்பிடிப்பு முடிவடையும் போது வம்சி இயக்கத்தில் விஜய் நடிக்கும் படத்தின் படப்பிடிப்பு முடிவடைந்துவிடும். அட்லீ விஜய் கூட்டணி சேர்ந்தாலே படம் வெற்றிப் படமாகி விடும் என்பதால் இச்ச்செய்தியை அறிந்த ரசிகர்கள் சந்தோஷத்தில் உள்ளனர். தற்போது விஜய்யின் பீஸ்ட் படம் வருகின்ற ஏப்ரல் 14ஆம் தேதி வெளியாக இருக்கிறது. இத்திரைப்படத்தில் விஜய் இரு வேடங்களில் நடிக்க உள்ளதாக தகவல் வெளியாகி இருக்கிறது. இதை அறிந்த ரசிகர்கள் சந்தோஷத்தில் உள்ளனர்.