மத்திய பிரதேச மாநிலத்தில் பழுதான ரயிலை ஊழியர்கள் தள்ளிச் செல்லும் சம்பவம் பெரும் விமர்சனத்தை ஏற்படுத்தியுள்ளது.
சாலையில் பழுதாகி நிற்கின்ற கார், பஸ் போன்ற வாகனங்களை ஊழியர்கள் அல்லது பொதுமக்கள் தள்ளி பார்த்திருப்போம். ஆனால் இங்கு ஒரு ரயிலை ஊழியர்கள் மற்றும் பொதுமக்கள் இணைந்து கைகளால் தள்ளிய வினோத சம்பவம் அரங்கேறியுள்ளது. மத்திய பிரதேச மாநிலம் ஹர்தா என்ற இடத்தில் ரயில் சென்ற இடத்தில் பராமரிப்பு பணியில் ஊழியர்கள் ஈடுபட்டிருந்தனர்.
அப்போது திடீரென்று ரயிலில் ஏற்பட்ட தொழில்நுட்ப கோளாறு காரணமாக அங்கேயே நின்றது. இதையடுத்து ரயில்வே ஊழியர்கள் மற்றும் அங்கிருந்த பொதுமக்கள் 70க்கும் மேற்பட்டோர் அந்த ரயிலை தள்ளி சென்றுள்ளனர். ரயில் பெட்டியை கைகளால் தள்ள வைத்த ரயில்வே அதிகாரிகளின் செயல் பெரும் விமர்சனத்தை ஏற்படுத்தியுள்ளது.