அரசு பள்ளிகளில் படிக்கும் சிறுவர்-சிறுமிகளுக்கு போக்சோ குறித்த விழிப்புணர்வு வழங்கப்பட்டது.
கோயம்புத்தூர் மாவட்டத்தில் உள்ள மலை கிராமங்களான ராமநாதபுரம், வரப்பாளையம், பணப்பள்ளி, கொண்டனூர் மற்றும் ஆனைக்கட்டி பகுதிகளில் அமைந்துள்ள அரசு பள்ளிகளில் படிக்கும் சிறுவர்-சிறுமிகளுக்கு போக்சோ குறித்த விழிப்புணர்வு நிகழ்ச்சி நடைபெற்றது. இந்த நிகழ்ச்சியில் தடாகம் சப்-இன்ஸ்பெக்டர் ஆறுமுக நயினார், காவலர்கள் மற்றும் ஆசிரியர்கள் கலந்து கொண்டனர்.
அதன் பிறகு சப்-இன்ஸ்பெக்டர் சிறுவர்-சிறுமிகளிடம் யாரும் தவறான முறையில் அணுகினாலும், சந்தேகப்படும்படியாக நடந்து கொண்டாலும் அவர்கள் குறித்து பெற்றோர்களிடம் அல்லது அருகில் இருக்கும் ஆசிரியர்களிடமும் தெரிவிக்க வேண்டும் என்றார். இதனையடுத்து சிறுவர்-சிறுமிகளை நெருங்கிய உறவினர்கள் தவிர மற்ற யாருடனும் அனுப்பக்கூடாது என்றும், பள்ளி முடிந்த பிறகு நேராக வீட்டிற்கு செல்ல வேண்டும் எனவும், செல்போன் பயன்படுத்தக்கூடாது என்றும் கூறினார்.