கல்லூரி மாணவர் தற்கொலை செய்து கொண்ட சம்பவம் சோகத்தை ஏற்படுத்தியுள்ளது.
சிவகங்கை மாவட்டத்தில் உள்ள கோட்டை பகுதியில் முத்து விக்னேஷ் என்பவர் வசித்து வருகிறார். இவர் மதுரையில் இருக்கும் தனியார் கல்லூரியில் ஆசிரியர் படிப்பு இரண்டாம் ஆண்டு படித்து வந்துள்ளார். இந்நிலையில் முத்து விக்னேஷ் கடந்த ஒரு மாதமாக வயிற்று வலியால் அவதிப்பட்டு வந்துள்ளார்.
இதனால் மன உளைச்சலில் இருந்த முத்து விக்னேஷ் மீண்டும் வலி ஏற்பட்டபோது வீட்டு மாடியில் இருக்கும் அறையில் தூக்கிட்டு தற்கொலை செய்துள்ளார். இதுகுறித்து அறிந்த போலீசார் சம்பவ இடத்திற்கு விரைந்து சென்று மாணவரின் உடலை மீட்டு அரசு மருத்துவமனைக்கு பிரேத பரிசோதனைக்காக அனுப்பி வைத்தனர். இந்த சம்பவம் குறித்து வழக்கு பதிவு செய்த போலீசார் விசாரணை மேற்கொண்டு வருகின்றனர்.