தாமரை மலரும், தமிழ்நாடு வளரும்…. நம்பி ஓட்டு போடுங்க அனைத்துமே வீடு தேடி வரும்… நமீதா…!!!

தமிழகத்தில் தாமரைக்கு ஓட்டு போட்டால் மத்திய அரசு திட்டங்கள் வீடு தேடி வரும் என பாஜக பிரமுகர் நமீதா கூறியுள்ளார்.

தமிழகத்தில் ஏப்ரல் 6-ஆம் தேதி சட்டமன்ற தேர்தல் நடைபெற உள்ளது. அதனால் அனைத்து கட்சிகளும் தீவிர தேர்தல் பிரசாரத்தில் ஈடுபட்டு வருவதால் தேர்தல் களம் சூடு பிடிக்க தொடங்கியுள்ளது. ஒவ்வொரு கட்சியினரும் தங்கள் எதிர்க்கட்சியினரை கடுமையாக விமர்சித்து தேர்தல் பிரசாரம் செய்து வருகிறார்கள். அதிலும் குறிப்பாக அதிமுக மற்றும் திமுக இடையே கடும் மோதல் போக்கு நிலவி வருகிறது. இரண்டு கட்சியினரும் தங்கள் எதிர்க்கட்சியினரை கடுமையாக விமர்சித்து வருகின்றனர்.

இதற்கு மத்தியில் தங்கள் ஆட்சி தமிழகத்தில் அமைந்தால் மக்களுக்கு பல்வேறு நலத்திட்டங்களை செய்து தருவதாக அனைத்து கட்சிகளும் போட்டிப் போட்டுக் கொண்டு பல்வேறு வாக்குறுதிகளை அளித்து வருகிறது. அதுமட்டுமன்றி ஒவ்வொரு கட்சியும் வெளியிட்டுள்ள தேர்தல் அறிக்கையில் மக்களை கவரும் வகையிலான பல்வேறு சிறப்பு அம்சங்கள் இடம்பெற்றுள்ளன. மேலும் ஒவ்வொரு கட்சியினரும் தங்கள் போட்டியிடும் தொகுதியில் வேட்புமனு தாக்கல் செய்தனர். அந்த வேட்பு மனுக்கள் பரிசீலனை செய்யப்பட்டு இறுதி செய்யப்பட்டுள்ளது. இதனையடுத்து மக்களை நேரில் சந்தித்து ஓட்டு சேகரிக்கும் பணியில் அனைத்து கட்சியினரும் தீவிரமாக ஈடுபட்டு வருகிறார்கள்.

இந்நிலையில் கோவை தெற்கு தொகுதியில் போட்டியிடும் வானதி சீனிவாசனுக்கு ஆதரவாக வாக்கு சேகரிக்க பிரபல நடிகை நமீதா தேர்தல் பிரசாரத்தில் ஈடுபட்டார். அப்போது பேசிய அவர், கடவுள் நம்பிக்கையுள்ள பூமியில் கடவுள் நம்பிக்கை இல்லாத கமல்ஹாசனை நம்பி எப்படி ஓட்டு போடுவது என கேள்வி எழுப்பியுள்ளார். மேலும் உங்கள் சகோதரி உங்க அக்கா ஸ்ரீமதி வானதி சீனிவாசனை நம்பி ஓட்டு போடுங்க. தாமரைக்கு ஓட்டு போட்டால் மத்திய அரசு திட்டங்கள் வீடு தேடி வரும். தாமரை மலரும் தமிழ்நாடு வளரும் என்று அவர் கூறியுள்ளார்.