தாய் கண் முன்னே நடந்த பரிதாபம்… ரயில் மோதி மகன் பலி…!!!

வேலூர் அருகே ரயில் மோதி தாய் கண் முன்னே மகன் பலியானார்.

வேலூர் அருகில் சித்தேரியில் வசித்து வருபவர் வெங்கடேச பெருமாள். இவர் மனைவி ராணி. இவர்களுடைய மகன் கூலித்தொழிலாளி கணேசன்(33). சித்தேரி பகுதிக்கு சென்ற கணேசன் வெகுநேரமாகியும் வீடு வராததால் அவரைத்தேடி அவரது தாயார் ராணி ஏரி பகுதிக்கு சென்றுள்ளார். அதன்பின் அங்கிருந்த கணேசனை அழைத்துக்கொண்டு ராணி வீட்டிற்கு வரும்போது இருவரும் ரயில்வே தண்டவாளத்தில் கடக்கும்போது வேகமாக வந்த எக்ஸ்பிரஸ் ரயில் அவர்கள் மீது பயங்கரமாக மோதியது.

இதில் சம்பவ இடத்திலேயே பரிதாபமாக கணேசன் உயிரிழந்தார். ராணி படுகாயமடைந்தார். இது குறித்து அருகில் இருந்தவர்கள் காட்பாடி ரயில்வே காவல்துறையினருக்கு தகவல் அளித்துள்ளனர். இத்தகவலின்பேரில் சம்பவ இடத்திற்கு விரைந்து வந்த ரயில்வே போலீசார் படுகாயமடைந்த ராணியை மீட்டு அடுக்கம்பாறை அரசு மருத்துவமனைக்கு சிகிச்சைக்காக அனுப்பி வைத்துள்ளனர். இதைத் தொடர்ந்து கணேசனின் உடலை கைப்பற்றி பிரேத பரிசோதனைக்காக அடுக்கம்பாறை அரசு ஆஸ்பத்திரிக்கு அனுப்பி வைத்துள்ளனர்.