வீட்டின் பூட்டை உடைத்து 11 பவுன் தங்க நகையை திருடிய மர்ம நபரை காவல்துறையினர் தீவிரமாக தேடி வருகின்றனர்.
தஞ்சாவூர் மாவட்டத்தில் உள்ள அந்தோணியர் நகரில் சுகந்தி என்பவர் வசித்து வருகிறார்.இவர் அதே பகுதியில் உள்ள தனது தாய் வீட்டில் நகை மற்றும் பணத்தை வைத்து வந்துள்ளார்.இந்நிலையில் சுகந்தி நேற்று தாய் வீட்டிற்கு சென்று பார்த்தபோது பூட்டு உடைக்கப்பட்டு இருப்பதை கண்டு அதிர்ச்சி அடைந்தார்.
அதன் பின்னர் உள்ளே சென்று பார்த்தபோது லாக்கரில் வைக்கப்பட்டிருந்த 11 பவுன் தங்க நகை மற்றும் 5 ஆயிரம் ரூபாய் பணத்தை மர்ம நபர்கள் திருடி சென்றது தெரியவந்துள்ளது. இதுகுறித்து சுகந்தி உடனடியாக காவல்நிலையத்தில் புகார் அளித்துள்ளார். அந்த புகாரின் பேரில் வழக்கு பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.