கொரோனா தொற்று நாளுக்கு நாள் அதிகரித்து வருவதால் பொதுமக்கள் மிகுந்த அச்சத்தில் இருக்கின்றனர்.
சீனாவில் பரவிய கொரோனா வைரஸ் இன்று உலகம் முழுவதும் பரவி மாபெரும் அச்சுறுத்தலை ஏற்படுத்தியுள்ளது. இந்த கொரோனா தொற்றின் காரணமாக பொதுமக்கள் பொருளாதார ரீதியாகவும், மனரீதியாகவும், உடல் ரீதியாகவும் பல்வேறு விதமான பிரச்சனைகளை சந்தித்து வருகின்றனர். இந்த கொரோனா வைரஸை கட்டுப்படுத்துவதற்காக தடுப்பூசிகள் போடப்பட்டு வருகிறது. இந்நிலையில் ஓமைக்ரான் வைரஸ் தொற்று உலகம் முழுவதும் வேகமாக பரவி வருகிறது.
இதில் குறிப்பாக சீனா மற்றும் ஜப்பான் ஆகிய நாடுகளில் கொரோனா வைரஸ் அதிக அளவில் பரவி வந்த நிலையில், தற்போது தென்கொரியா நாட்டிலும் வைரஸ் பாதிப்பு தீவிரமடைந்துள்ளது. இங்கு தினசரி 2 லட்சத்திற்கும் அதிகமானோர் வைரஸ் தொற்றால் பாதிக்கப்படுகின்றனர். இதுவரை தென்கொரியாவில் 2 கோடியே 16 லட்சத்து 82 ஆயிரம் பேருக்கு தொற்று உறுதியாகியுள்ளது. மேலும் கொரோனா வைரஸ் நாளுக்கு நாள் அதிகரித்து வருவதால் பொதுமக்கள் மிகுந்த அச்சத்தில் இருக்கின்றனர்.