கார் மற்றும் மோட்டார் சைக்கிள் தீ வைத்து எரிக்கப்பட்ட சம்பவம் பெரும் பரபரப்பை ஏற்படுத்தியுள்ளது.
சென்னை மாவட்டத்தில் உள்ள குன்றத்தூர் அருகே மணிகண்டன் நகர் பகுதியில் ஒரு அடுக்குமாடி குடியிருப்பு உள்ளது. இங்கு நித்யா தேவி என்பவர் வசித்து வருகிறார். இவர் வேளச்சேரியில் உள்ள ஒரு தனியார் டியூஷன் சென்டரில் வேலைப்பார்த்து வருகிறார். இந்நிலையில் குடியிருப்பின் கீழ் நிறுத்தி வைக்கப்பட்டிருந்த வாகனங்கள் திடீரென தீப்பிடித்து எரிந்தது. இதைப் பார்த்து அதிர்ச்சி அடைந்த பொதுமக்கள் உடனடியாக வந்து தீயை அணைக்கும் முயற்சியில் ஈடுபட்டனர். இருப்பினும் தீ விபத்தில் நித்யா தேவிக்கு சொந்தமான ஒரு மோட்டார் சைக்கிள் மற்றும் சைக்கிள் முற்றிலுமாக எரிந்து சேதம் ஆனது.
அதன் பிறகு ஒரு கார் மற்றும் ஒரு மோட்டார் சைக்கிளும் தீ விபத்தில் லேசாக சேதமானது. இது தொடர்பாக குன்றத்தூர் காவல்துறையினருக்கு தகவல் தெரிவிக்கப்பட்டது. அந்த தகவலின் படி சம்பவ இடத்திற்கு விரைந்து சென்ற காவல்துறையினர் அங்குள்ள சிசிடிவி கேமராவை ஆய்வு செய்து விசாரணை மேற்கொண்டு வருகின்றனர். மேலும் மர்ம நபர்கள் யாரேனும் வாகனங்களுக்கு தீ வைத்து எரித்தார்களா என்று கோணத்திலும் விசாரணை நடத்தப்பட்டு வருகிறது.