மாடுகளுக்கு தீவனம் கொடுப்பதற்காக வைத்திருந்த சோளத்தட்டு திடீரென தீபிடித்து எறிந்த சம்பவம் அப்பகுதியில் பரபரப்பை ஏற்படுத்தியுள்ளது.
நாமக்கல் மாவட்டம் வெண்ணந்தூர் அடுத்துள்ள ராசாபாளையம் பகுதியில் சேகர் என்பவர் வசித்து வருகின்றார். விவசாயியான இவர் தனது விவசாய நிலத்தில் மாடுகளுக்கு தீவனம் கொடுக்க சோளத்தட்டு, கடலைக்கொடி, போன்றவற்றை வைத்திருந்துள்ளார். இந்நிலையில் வயலில் வைத்திருந்த சோளத்தட்டு மதிய வேளையில் திடீரென தீப்பிடித்து எரிந்துள்ளது. இதனை பார்த்து அதிர்ச்சி அடைந்த சேகர் அக்கம்பக்கத்தினர் உதவியுடன் தீயை அணைக்க முயன்றனர்.
ஆனால் தீ மளமளவென்று பரவியதால் உடனடியாக ராசிபுரம் தீயணைப்பு நிலையத்திற்கு தகவல் தெரிவித்துள்ளனர். தகவல் அறிந்து சம்பவ இடத்திற்கு விரைந்து சென்ற தீயணைப்பு வீரர்கள் சுமார் 1 மணி நேரம் போராடி தீயை முழுவதுமாக அணைத்துள்ளனர். ஆனாலும் அங்கு இருந்த 60,000 ரூபாய் மதிப்புள்ள சோளத்தட்டு முற்றிலும் எரிந்து சேதமானது. இது குறித்து காவல்துறையினர் வழக்குப்பதிவு செய்து விசாரணை நடத்தி வருகின்றனர்.