சிறுமியை கர்ப்பமாக்கிய கல்லூரி மாணவரை போக்சோ சட்டத்தின் கீழ் போலீசார் கைது செய்தனர்.
கள்ளக்குறிச்சி மாவட்டத்தில் உள்ள ஒரு கிராமத்தில் 16 வயது சிறுமி வசித்து வருகிறார். இவர் அப்பகுதியில் இருக்கும் பள்ளியில் பன்னிரண்டாம் வகுப்பு படித்து வருகிறார். கடந்த 4 வருடங்களாக இந்த சிறுமியும், பில்ராம்பட்டு கிராமத்தைச் சேர்ந்த கல்லூரி மாணவரான ராஜ்(19) என்பவரும் காதலித்து வந்துள்ளனர். இந்நிலையில் சிறுமி திடீரென தனது வீட்டில் மயங்கி விழுந்ததை பார்த்து அதிர்ச்சியடைந்த பெற்றார் உடனடியாக அவரை மீட்டு மருத்துவமனைக்கு சிகிச்சைக்காக கொண்டு சென்றனர்.
அங்கு சிறுமியை பரிசோதித்து பார்த்த டாக்டர்கள் அவர் கர்ப்பமாக இருப்பதாக தெரிவித்துள்ளனர். இதனை அடுத்து சிறுமி தனது பெற்றோரிடம் நடந்துவற்றை கூறியுள்ளார். இதனை கேட்டு அதிர்ச்சியடைந்த சிறுமியின் பெற்றோர் உளுந்தூர்பேட்டை அனைத்து மகளிர் காவல் நிலையத்தில் புகார் அளித்தனர். அந்த புகாரின் பேரில் போக்சோ சட்டத்தின் கீழ் வழக்கு பதிந்த போலீசார் ராஜை கைது செய்து விசாரணை மேற்கொண்டு வருகின்றனர்.