பட்டதாரி வாலிபர் திடீரென உயிரிழந்த சம்பவம் பெரும் சோகத்தை ஏற்படுத்தியுள்ளது.
விருதுநகர் மாவட்டத்தில் உள்ள காவிரி நகரில் பாபு ரெட்டி(64) என்பவர் வசித்து வருகிறார். இவருக்கு சதீஷ்குமார்(29) என்ற மகன் இருந்துள்ளார். இவர் முதுநிலை பட்டப்படிப்பு முடித்துவிட்டு கடந்த ஒரு வருடமாக வீட்டிலேயே இருந்துள்ளார். இந்நிலையில் உடல் நலம் பாதிக்கப்பட்ட சதீஷ்குமாரை பெற்றோர் மருத்துவமனைக்கு அழைத்து செல்ல முயன்றனர். ஆனால் சதீஷ்குமார் அதற்கு மறுப்பு தெரிவித்தார்.
இதனை அடுத்து சதீஷ்குமார் திடீரென வீட்டில் மயங்கி விழுந்தார். அவரை அக்கம் பக்கத்தினர் மீட்டு மருத்துவமனைக்கு சிகிச்சைக்காக கொண்டு சென்றனர். அங்கு சதீஷ்குமாரை பரிசோதித்து பார்த்த டாக்டர்கள் அவர் ஏற்கனவே உயிரிழந்து விட்டதாக தெரிவித்துள்ளனர். இதுகுறித்த புகாரின் பேரில் வழக்கு பதிவு செய்த போலீசார் விசாரணை நடத்தி வருகின்றனர்.