ஏசி வெடித்து 3 பேர் உயிரிழந்த சம்பவம் சோகத்தை ஏற்படுத்தியுள்ளது.
சென்னையில் உள்ள கோதண்ட ராமன் நகரில் கிரிஜா என்பவர் தனது குடும்பத்துடன் வசித்து வந்துள்ளார். இவரது வீட்டில் நேற்று திடீரென மின்கசிவு காரணமாக குளிர்சாதன பெட்டி வெடித்து சிதறியுள்ளது. இந்த விபத்தில் வீட்டிலிருந்த கிரிஜா, அவரது தங்கை ராதா, உறவினர் ராஜ்குமார் ஆகியோர் தீயில் கருகி பரிதாபமாக சம்பவ இடத்திலேயே உயிரிழந்தனர்.
இதனை பார்த்து அதிர்ச்சியடைந்த அப்பகுதி மக்கள் உடனடியாக போலீசாருக்கு தகவல் தெரிவித்துள்ளனர். அந்த தகவலின் பெயரில் சம்பவ இடத்திற்கு விரைந்து சென்ற போலீசார் 3 பேரின் சடலத்தையும் கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர். மேலும் இது குறித்து வழக்கு பதிவு செய்த போலீசார் தீவிர விசாரணை மேற்கொண்டு வருகின்றனர்.