ஓமிக்ரான் மற்றும் டெல்டா வைரஸ்களால் கொரோனா தொற்று விண்ணை முட்டும் என உலக சுகாதார அமைப்பு எச்சரித்துள்ளது.
மத்தளத்திற்கு இரு பக்கமும் அடி என்பதுபோல அமெரிக்காவை ஓமிக்ரோனும் டெல்டா வைரஸும் புரட்டி போட்டு வருகின்றன. மேலும் பிரான்சில் 2 லட்சத்து 8 ஆயிரம் பேருக்கு கொரோனா பாதிப்பு ஏற்பட்டுள்ளது. ஐரோப்பாவில் இதுவே அதிகபட்ச பாதிப்பாகும். அமெரிக்கா மட்டுமின்றி டென்மார்க் போர்ச்சுகல் ஆஸ்திரேலியா போன்ற நாடுகளிலும் கொரோனா பாதிப்பு உச்சம் தொட்டு வருகிறது. போலந்தில் நாலாவது அலை வீசி வருவதால் ஒரே நாளில் 724 பேர் பலியாகியுள்ளனர்.
இந்நிலையில் ஜெனிவாவில் உலக சுகாதார அமைப்பின் தலைவர் டாக்டர் டெட்ரோஸ் அதானோம், நிருபர்களுக்கு பேட்டி அளித்தார். அதில் அவர் கூறியதாவது ஓமிக்ரோணும் டெல்டா வைரஸும் சேர்ந்து கொரோனாவை சுனாமிப் பேரலை போல உருவெடுக்க வைக்கும் என அவர் கூறினார். ஓமிக்ரோன் மிகவும் வேகமாக பரவி வருவது ஒரு கவலை அளிக்கக்கூடிய விஷயம் என அவர் கூறினார். மேலும் பணக்கார நாடுகள் ஆல்பா, பீட்டா,காமா மற்றும் ஓமிக்ரோன் வைரஸை கட்டுப்படுத்த விரைந்து நடவடிக்கை எடுக்க வேண்டும் எனவும் அவர் கேட்டுக்கொண்டார்.