திண்டுக்கல் பழனி முருகன் கோவில்… பங்குனி உத்திரத்தை முன்னிட்டு… சாந்தி ஹோம யாகம்..!!

பழனி முருகன் கோவிலில் பங்குனி உத்திரத் திருவிழாவை முன்னிட்டு திருஆவினன்குடி கோயிலில் சாந்தி ஹோம யாக பூஜை நடைபெற்றது.

திண்டுக்கல் மாவட்டத்தில் அறுபடை வீடுகளில் மூன்றாம் படை வீடான பழனி முருகன் கோவில் உள்ளது. இந்த கோவிலில் வருகிற 22-ஆம் தேதி பங்குனி உத்திர திருவிழா கொடியேற்றத்துடன் தொடங்கப்பட உள்ளது. அதனை முன்னிட்டு திருஆவினன்குடி கோவிலில் சாந்தி ஹோம யாக பூஜை நேற்று நடைபெற்றது. இந்த ஹோமம் உச்சிகால பூஜையில் இன்றும் நடைபெறுகிறது.

இந்த பூஜையில் நான்கு திசைகளிலும் கலசங்கள் வைக்கப்பட்டு கலச பூஜை நடைபெற்றது. இந்த நிகழ்ச்சியில் கண்காணிப்பாளர் சண்முகவடிவு, கோவில் துணை ஆய்வாளர் செந்தில்குமார் உள்ளிட்ட பலரும் கலந்து கொண்டுள்ளனர். பூஜை நிகழ்ச்சியை செல்வசுப்பிரமணிய குருக்கள், பட்டத்து குருக்கள் அமிர்தலிங்கம் ஆகியோர் செய்தனர்.