திமுகவிற்கு அடுத்தடுத்து தாவும் அதிமுகவினர்….. கதிகலங்கும் அதிமுக தலைமை…..!!!!!

தமிழகத்தில் 21 மாநகராட்சிகள், 138 நகராட்சிகள், 489 பேரூராட்சிகள் என்று 648 நகர்ப்புற உள்ளாட்சி அமைப்புகளில் 12 ஆயிரத்து 601 பதவியிடங்களுக்கு (பிப்.19) ஒரே கட்டமாக தேர்தல் நடைபெற்றது. இந்த தேர்தலுக்கான வாக்கு பதிவு எண்ணிக்கை நேற்று (பிப்.22) நடைபெற்றது. இந்நிலையில் நகர்ப்புற உள்ளாட்சி தேர்தலில் அதிமுக சார்பில் போட்டியிட்டு வென்றவர்கள் அடுத்தடுத்து திமுகவிற்கு படையெடுக்கின்றனர்.

சிவகங்கை நகராட்சி 22 வது வார்டில் வெற்றி பெற்ற அதிமுக வேட்பாளர் சரவணன் திமுகவில் ஐக்கியமாகியுள்ளார். அதேபோன்று 4 மற்றும் 19வது வார்டு சுயேச்சை வேட்பாளர்கள் சேது நாச்சியார், பாக்கியலட்சுமி ஆகியோர் திமுகவில் தங்களை இணைத்துக் கொண்டனர்.