சென்னை நுங்கம்பாக்கத்தில் உள்ள தாஜ் கோரமெண்டல் நட்சத்திர விடுதியில் புற்றுநோய் விழிப்புணர்வு மாதத்தை கொண்டாடும் வகையில் அப்போலோ கேன்சர் சென்டர் சார்பில் “உங்களுக்கான மார்பக பரிசோதனையை செய்யும் சிறந்த சோதனையாளர் நீங்களே” என்ற மார்பக புற்றுநோய் விழிப்புணர்வு பிரச்சாரம் திட்ட தொடக்க நிகழ்ச்சி நடைபெற்றது.
இதில் புற்றுநோய் சிகிச்சை மீது இந்தியாவின் முதல் விரிவான மற்றும் இன்டராக்ட்டிவ் திறன் கொண்ட apollocancercentres.com என்ற புதிய வலைதளத்தை சிறப்பு விருந்தினராக பங்கேற்ற நடிகையும், அரசியல்வாதியுமான குஷ்பூ சுந்தர் தொடங்கிவைத்தார். மேலும் இவருடன் அப்போலோ மருத்துவமனைகள் தலைவர் பிரதாப் ரெட்டி, துணை தலைவர் ப்ரீத்தா ரெட்டி உள்ளிட்டோர் பங்கேற்றனர். பின்னர் செய்தியாளர்களிடம் பேசிய அவர், “பாஜகவில் நான் எந்த பதிவையும் எதிர்பார்த்து இணையவில்லை.
இருந்தபோதும் மத்திய தேசிய செயற்குழு சிறப்பு அழைப்பாளராக நியமித்த பிரதமர் மோடி மற்றும் அமித் ஷா உள்ளிட்டோருக்கு எனது நன்றியை தெரிவித்துக் கொள்கிறேன். தற்பொழுது திமுக ஆட்சியானது தேனிலவு காலத்தில் உள்ளது. மேலும் இந்த ஆட்சியின் செயல்பாடுகளை குறித்து ஆறு மாதத்திற்கு பிறகே நான் கருத்து கூற விரும்புகிறேன். கொரோனா வழிமுறைகளை பாஜக, காங்கிரஸ் என அனைத்து கட்சிகளும் பின்பற்ற வேண்டும்” என்று குஷ்பு தெரிவித்தார்