திமுக பிரமுகரை அரிவாளால் வெட்டிய 2 வாலிபர்களை கைது செய்து போலீசார் விசாரித்து வருகின்றனர்.
நாமக்கல் மாவட்டம் எருமப்பட்டியை அடுத்துள்ள பொன்னேரி கைகாட்டியில் வினோத்குமார் என்பவர் வசித்து வந்துள்ளார். திமுக பிரமுகரான இவர் தனது நண்பர்களுடன் அப்பகுதியில் நின்று கொண்டிருந்துள்ளார். அப்போது அங்கு சென்ற சூளுரை சேர்ந்த வீரபாண்டி நவீன் மற்றும் அவரது நண்பர்கள் திடீரென வினோத்குமாருடன் தகராறில் ஈடுபட்டுள்ளனர். இதனையடுத்து அவர்கள் அரிவாளை எடுத்து வினோத்குமாரின் கை, கால்களில் சரமாரியாக வெட்டிவிட்டு அங்கிருந்து தப்பி ஓடி உள்ளனர்.
இதுகுறித்து வினோத்குமாரின் நண்பர்கள் எருமப்பட்டி காவல் நிலையத்தில் புகார் அளித்துள்ளனர். அதன் அடிப்படையில் காவல்துறையினர் விசாரணை நடத்தி வினோத் குமாரை வெட்டிய முத்துகாபட்டி அருகே உள்ள மேதாரமாதேவி சேர்ந்த விக்னேஷ், விஜய் ஆகிய 2 பேரை கைது செய்து விசாரித்து வருகின்றனர். மேலும் தலைமறைவாக உள்ள நபர்களை தேடி வருகின்றனர். இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.