தமிழக அரசு உத்தரவின் பேரில் திரையரங்குகளைத் திறக்கவுள்ள நிலையில் மாஸ்டர் படம் எப்போது வெளியாகும் என ரசிகர்கள் எதிர்ப்பார்த்துள்ளனர்.
தமிழ் சினிமாவின் முன்னணி நடிகர் ஆன விஜய் தற்போது மாஸ்டர் படத்தில் நடித்துள்ளார். லோகேஷ் கனகராஜ் இயக்கியுள்ள இப்படத்தின் படப்பிடிப்பு முடிந்து ரிலீசுக்கு தயாராகி இருக்கின்றது. கொரோனா காரணமாக திரையரங்குகளை மூடிவிட்டனர். இதனை தொடர்ந்து தமிழக அரசு 10-ம் தேதி முதல் திரையரங்குகளைத் திறந்து கொள்ளலாம் என்று அனுமதி அளித்துள்ளது, இதனால் தீபாவளிக்கு மாஸ்டர் வெளியாகுமா என்று ரசிகர்கள் இடையே எதிர் பார்ப்பு அதிகரித்துள்ளது.
இதனை பற்றி தயாரிப்பாளர் லலித்குமார் அளித்த பேட்டியில் தீபாவளிக்கு மாஸ்டர் திரைப்படம் வெளியாக வாய்பு இல்லை, பொங்கலுக்கு படம் வெளியாகுமா இல்லையா என்பதை தற்போது சொல்ல முடியாது. அரசின் உத்தரவு படி நவம்பர் 10-ம் தேதி முதல் 50% இருக்கைகளுடன் படம் திரையிடப்பட்டால் மாஸ்டர் போன்ற பெரிய பட்ஜெட் படங்களில் லாபத்தை எடுக்க முடியாது என்ற காரணத்தினால் தயாரிப்பாளர்கள் தயக்கம் காட்டுவதாக தகவல் வெளியாகி உள்ளது.