பிக்பாஸ் சீசன் 3 மூலம் பிரபலமான சாண்டி மாஸ்டர் புதிய திரைப்படத்தில் ஹீரோவாக நடிக்கவுள்ளார்.
நடன இயக்குனராக அறிமுகமாகிய சாண்டி பிக்பாஸ் நிகழ்ச்சியில் கலந்து கொண்டதன் மூலம் அதிக அளவில் பிரபலமடைந்தார். தற்போது இவர் திரில் மர்டர் கதை அம்சம் கொண்ட திரைப்படம் ஒன்றில் ஹீரோவாக நடிக்கவுள்ளார். இந்த திரைப்படத்தை அறிமுக இயக்குனர் சந்துரு இயக்கவுள்ளார். இந்த திரைப்படத்தில் கதாநாயகியாக அறிமுக நடிகை ஸ்ருதி நடிக்கிறார்.
மேலும் பிக்பாஸ் நிகழ்ச்சியில் சாண்டியுடன் கலந்துகொண்ட போட்டியாளர்களான சரவணன் மற்றும் ரேஷ்மா ஆகியோர் இந்த திரைப்படத்தில் முக்கிய கதாபாத்திரத்தில் நடிக்கவுள்ளனர் . பிக்பாஸ் சீசன் 3 நிகழ்ச்சியில் நெருக்கமாக இருந்த சாண்டி மற்றும் சரவணன் ஆகிய இருவரும் ஒரே படத்தில் நடிப்பது ரசிகர்களிடையே படத்தை பற்றிய எதிர்பார்ப்பை ஏற்படுத்தியுள்ளது.