வெங்கடேஷ் நடிப்பில் உருவாகியுள்ள திரிஷ்யம்- 2 படத்தின் டீசர் வெளியாகியுள்ளது.
தெலுங்கு திரையுலகில் முன்னணி நடிகராக வலம் வருபவர் வெங்கடேஷ். கடைசியாக இவர் நடிப்பில் உருவான நாரப்பா திரைப்படம் நேரடியாக ஓடிடியில் வெளியாகியிருந்தது. இந்த படம் தனுஷின் அசுரன் படத்தின் தெலுங்கு ரீமேக் ஆகும். இதைத்தொடர்ந்து வெங்கடேஷ் ‘திரிஷ்யம்- 2’ படத்தில் நடித்துள்ளார். இந்த படம் மலையாளத்தில் ஜீத்து ஜோசப் இயக்கத்தில் மோகன்லால் நடிப்பில் வெளியாகி சூப்பர் ஹிட் அடித்த திரிஷ்யம்- 2 படத்தின் தெலுங்கு ரீமேக் ஆகும்.
மேலும் இந்த படத்தில் மீனா, நதியா, எஸ்தர் அனில், கீர்த்திகா உள்ளிட்ட பலர் நடித்துள்ளனர். சுரேஷ் புரொடக்ஷன்ஸ் மற்றும் ஆசிர்வாத் சினிமாஸ் இணைந்து தயாரித்துள்ள இந்த படத்திற்கு அனுப் ருபன்ஸ் இசையமைத்துள்ளார். இந்நிலையில் திரிஷ்யம்- 2 படத்தின் விறுவிறுப்பான டீசர் வெளியாகியுள்ளது. இந்த படம் வருகிற நவம்பர் 25-ஆம் தேதி நேரடியாக அமேசான் பிரைமில் ரிலீஸாகும் என அறிவிக்கப்பட்டுள்ளது.